O CIFP Paseo das Pontes celebra o día da Diversidade

Hoxe celebramos no noso centro o Día da Diversidade dunha forma moi especial. Comezamos cunha enriquecedora mesa redonda na que representantes da ONCE, FXPG, ASPRONAGA e ASPANAES compartiron as súas experiencias e axudáronnos a reflexionar sobre a importancia da inclusión. A continuación, toda a comunidade educativa participou nunha emotiva paraguada que encheu de cor o noso patio. Para finalizar, gozamos dunha comida compartida na que celebramos a diversidade e agradecemos a colaboración de todos os participantes.