Hoxe en día a profesión de barista é unha das máis cotizadas dentro da especialidade de Servizos de Restauración.

O noso centro é consciente diso, e ademais de todo o que aprenden nas clases cos seus profesores, organízanse formacións máis específicas para que poidan ampliar os seus coñecementos.

A primeira delas tivo lugar o 21 de oubro, da man de Augusto Morales, maestro cafeteiro de Cafés Veracruz, para o alumnado de 1º de DIRSE.

O día 28 o alumnado dos ciclos de Servizos tiveron a oportunidade de “viaxar” ata a orixe, da man de Domingo Rosales, productor de café de Honduras, coñecer a comercialización do café grazas a Fernando Yusti, exportador de cafés colombianos e preguntar todas a dúbidas sobre o torrado de cafés e o seu servizo a Edwin Chaverra, empresario e subcampeón nacional de tueste e Jorge Calviño, formador barista.