O CIFP Paseo das Pontes celebrou entre os días 1 e 3 de decembro a súa Semana da Diversidade, un programa formativo e vivencial que coincidiu coa conmemoración do Día Internacional das Persoas con Discapacidade, celebrado cada ano o 3 de decembro. Baixo o título “Vivir a diversidade”, o centro organizou charlas, encontros e actividades destinadas a promover a inclusión, a empatía e o coñecemento da realidade das persoas con diversidade funcional.

📅 Un programa baseado na colaboración con entidades sociais

Ao longo de tres días, diferentes asociacións especializadas achegáronse ao noso centro para compartir o seu traballo, experiencias e consellos co alumnado:

Luns, 1 de decembro:

ASPANAES – Estefanía Casal

ASPRONAGA – Rubén Mateos

APEM – Gemma González

Martes, 2 de decembro:

ENKI – Sara González Iglesias

FAXPG – Miguel Dorado

Fundación Amador Castro – Celia Torre

🌂 Acto simbólico e xantar de convivencia no Día Internacional das Persoas con Discapacidade

• O mércores, 3 de decembro, día central da Semana da Diversidade, a comunidade educativa celebrou unha nova “paraguada” no patio do centro. Alumnado, profesorado e persoal do CIFP Paseo das Pontes uníronse cun paraugas aberto como símbolo de apoio á diversidade e ao compromiso coa inclusión.A continuación, o alumnado de Hostalaría puxo en práctica os aprendizaxes adquiridos durante estes días, ofrecendo un xantar de confraternidade no restaurante do centro. Ao acto asistiron membros e usuarios das entidades participantes, nun encontro que combinou a atención profesional co ambiente de convivencia e respecto.

🤝 Un compromiso real coa inclusión

A Semana da Diversidade converteuse nun espazo de aprendizaxe significativa, onde o noso alumnado puido achegarse á realidade das persoas con discapacidade e comprender a importancia da atención personalizada, da empatía e do traballo colaborativo.

Desde o CIFP Paseo das Pontes queremos expresar o noso agradecemento a todas as asociacións que formaron parte deste programa: ASPANAES, ASPRONAGA, APEM, ENKI, FAXPG e Fundación Amador Castro. Grazas pola súa presenza, polo seu labor diario e por contribuír a formar unha sociedade máis xusta e inclusiva.

Continuaremos traballando para que a diversidade sexa non só un contido formativo, senón un valor presente en toda a vida do centro.